Wafdi uu hoggaaminayo Wasiirka Arrimaha Dibadda iyo Iskaashiga Caalamiga ah ee Dowladda Fedaraalka Soomaaliya Mudane Axmed Ciise Cawad ayaa gaaray Magaalada Khartuum ee Caasimadda Dalka Suudaan.
Garoonka Caalamiga ah ee Khartoum waxaa ku soo dhaweeyay sii hayaha Safaaradda Soomaaliya ee Dalka Suudaan ahna Qunsulka Safaaradda Axmed Ibraahim Buurfuule iyo Qaar ka mid ah Diblomaasiyiinta Safaaradda Soomaaliya ku leedahay Suudaan.
Wasiirka Arrimaha Dibadda iyo Iskaashiga Caalamiga ee Xukumadda Soomaaliya ayaa sheegay inuu Suudaan u yimid dardar galinta heshiis ay horay u wada galeen labada Wasaaradood ee Arrimaha Dibada Soomaaliya iyo Suudaan, iyo sido kale inuu kormeero Shaqaalaha Safaaradda Soomaaliya ee Suudaan.
Mudane Axmed Ciise Cawad ayaa wuxuu Magaalada Khartoum kaga qeyb galay shirka 7-aad ee Safiirada dalalka caalamka u fadhiya Suudaan oo muddo 4 maalin ah ka socday Khartoum, iyadoona uu shirka soo xiray Maxdaxweynaha Jamhuuriyadda Suudaaan Cumar Xasan Axmed AL-Bashiir.
Gabgabdii Shirka 7-aad ee Safiirada Suudaan ayaa waxaa Billad sharaf la guddoonsiiyay Wasiirkii hore ee Arrimaha Dibada dalka Kenya haatana ah Wasiika Waxbarashada Kenya Aamino Maxamed Jabriil oo shirka lagu Casuumay.
Wasiirka Arrimaha Dibedda Dalka Suudaan Ibraahiim Axmed C/casiis ayaa bogaadiyay ka soo qayb galka shirkan ee dhiggiisa Soomaaliya, wuxuuna sidoo kale ammaanay Wasiiraddii hore Arrimaha Dibedda Kenya anha Wasiirka cusub ee waxbarashada Aamina Maxamed Jabriil.
Wasiirka ayaa soo dhoweeyay Magacaabista Wasiirka Arrimaha Dibedda ee Dalka Kenya Ambassador Monica Juma, wuxuuna u rajeeyay guul.