Magalada Nairobi ee dalka Kenya waxaa kulan ku yeeshay hogaamiyaha Aqlabiyada Baarlaamanka Kenya iyo gudoomiyaha Baarlamaanka dowlad Goboleedka Hir-Shabeelle Cusmaan Barre Maxamed oo safar Shaqo ku jooga dalkaas.
Hogaamiyaha Aqlabiyada Baarlaamanka Kenya Aadan Barre Ducaale ayaa sheegay in kulanka uu ahaa,mid salaan sharaf ah,isla markaana ay ka wada hadleen qodobo muhiim ah,war kooban oo uu soo dhigay Barta uu ku leeyahay Twitter –ka.
Qodobada ay ka wada hadleen labada masuul ayaa waxaa ka mid ahaa tayenta Baarlamaanada ka jira dhammaan Maamul goboleedyada si ay qeyb uga noqoto dib u heshiisinta dalka ka socoto.
Hogaamiyaha Aqlabiyada Baarlaamanka Kenya Aadan Barre Ducaale ayaa ka mid ah Xubnaha ka tirsan Baarlamaanka Kenya ay taageersan dowladda uu madaxda ka yahay madaxweyne Farmaajo,waxa uuna dhawaan sheegay in Kenya aysan joogi Karin dad mucaarad ku ah dowladda Soomaaliya.