Dowladda Federalka Soomaaliya ayaa maxaabiis tiradooda gaareysay 7 Dhalinyaro Soomaaliyeed oo ku Xirnaa Jaziirada Seychelles la soo wareegtay maanta .

Waxaa maxaabiistan soomaaliyeed  waxaa  Garoonka diyaaradaha  Aadan Cadde ku Soo dhaweeyay Wasiirka Cadaalada, Taliyaha Ciidanka Asluubta  Soomaaliyeed, Xeerilaaliyaha Guud ee Qaranka iyo Xubno ka tirsan Aqalka Sare.

Maxaabiistani ayaa 6 ka mid ah xabsiga Ku dhameysan doona  dalka halka qofka todobaad la sii dayay maadaama uu soo dhameystay mudada xabsiga lagu xukumay.

Taliyah Ciidanka  Asluubta Soomaaliyeed Sareeye Gaas Xuseen Xasan Cusmaan ayaa sheegay  in tallaabo Wanaagsan ay tahay in dalka dib loogu soo celiyo maxaabiista Soomaaliyeed ee ku Xiran Wadamada Calamka.

Xeerilaaiyaha Guud ee qaranka Dr. Axmed Cali Dahiir oo halkaasi ka hadlay ayaa Xusay in Maxaabiis kale khamiista ay ku soo Wajhanyihiin dalka si dalkooda ay ugu dhamestaan  Xukunnada  u dhiman.

Wasiirka Cadaalada Xukumada Soomaaliya Xasan Xuseen Xaaji  ayaa tilmaamay in Wasaaradda Cadaalad oo kaashaneyo Xeerilaaliyaha guud ee Qaranka iyo Wasaradda Arimaha dibada ay ku mashquulsan tahay in dalka dib loogu soo celiyo maxaabiista Soomaaliyeed ee ku xiran wadamada dibadda.

Dhawaan ayeey aheyd markii Wasiirka arimaha dibadda Soomaaliya Mudne Yuusuf Garaad Cumar  uu gaaray dalka Seychelles isagoo la kulmay madaxweynaha dalkaasi oo ay ka wada hadleen side maxaabiista soomaaliyeed eek u xirnaa soomaaliya loogu soo wareejin lahaa DFS.